Серіктестік басшысы 14,6 млн теңгеның дизель отынын сатпақшы болған
Алматыда 80 тоннаға жуық дизель отынын заңсыз сатпақ болған ЖШС басшысы 2 жылға бас бостандығынан айырылды, деп хабарлайды Azattyq Ruhy.
Қаржылық мониторинг агенттігі Алматы қаласы бойынша департаменті «AA Trade Company» ЖШС басшысына қатысты аса ірі көлемде мұнай өнімдерін заңсыз сақтау және сату фактісі бойынша сотқа дейінгі тергеуді аяқтады.
Тергеу барысында серіктестік басшысы жалпы сомасы 14,6 млн теңгеге 78 тонна дизель отынын шығу заңдылығын растайтын құжаттарсыз сатып алу-сатумен айналысқаны анықталды.
Сот үкімімен айыпталушы кінәлі деп танылып, оған шартты түрде рақымшылық қолдану арқылы 2 жыл мерзімге бас бостандығынан айыру жазасы тағайындалды.