Нұр-Сұлтан қаласы «сары» аймақтан шықты

12 тамыздағы эпидемиологиялық жағдайды бағалау матрицасы бойынша Қазақстанның барлық облысы «жасыл» аймақта тұр. Бұл туралы COVID-19 таралуына жол бермеу жөніндегі ВАК мәлім етті, деп хабарлайды Azattyq Ruhy.

Сонымен, «қызыл» және «сары» аймақтарда бірде-бір облыс пен мегаполис қалған жоқ.

«Жасыл» аймақта: Нұр-Сұлтан, Алматы, Шымкент қалалары, Алматы, Ақтөбе, Атырау, Ақмола, Абай, Батыс Қазақстан, Шығыс Қазақстан, Жамбыл, Жетісу, Қарағанды, Қостанай, Қызылорда, Маңғыстау, Ұлытау, Солтүстік Қазақстан, Павлодар және Түркістан облыстары тұр.

Еске салайық, 21 шілдеден бастап елорда «сары» аймаққа енгендіктен, қалада COVID-19-ға қарсы шектеулер енгізілген болатын.