Генерал-майор Жайлаубек Халықұлы тергеу изоляторында қайтыс болды

Алматыда тергеу изоляторында генерал-майор Жайлаубек Халықұлы қайтыс болды. Бұл туралы ҚАЖ комитетінің баспасөз қызметі мәлім етті, деп хабарлайды Azattyq Rýhy.

Тергеу амалдары мақсатында ұсталған Жайлаубек Халықұлын шамамен сағат 7:00-де мекеменің кезекші қызметкері байқаған. Ол оған дереу алғашқы медициналық көмек көрсетті. Алайда одан нәтиже болмаған.

Алғашқы медициналық көмек бригадасы өлімді тіркеп, оны механикалық асфиксия салдарынан болған деген қорытынды шығарды.

«Оқиға орнына жедел-тергеу тобы, прокуратура өкілдері мен облыстық ҚАЖД басшылығы келді. Басқа ұсталғандармен әңгіме жүргізілді. Тексеру нәтижесінде оған қатысты орын алуы ықтимал заңсыз іс-әрекет фактілері анықталған жоқ», - делінген хабарламада.

Қазіргі уақытта облыстық департаменттің қызметкерлерін тарту арқылы қызметтік тексеру тағайындалды. Оның нәтижелері бойынша қолданыстағы заңнамаға сәйкес шаралар қабылданатын болады.

Айта кетсек, бұрын Алматы және Ақмола облыстары ІІД-нің бастығы болған Халықұлы 23 мамырда ұсталды. Ол қылмыстық істі жабу үшін белгілі бір азаматтан алдап-арбау арқылы ақша мен мүлік иеленді деген күдікке ілінді.