Ол финалда өзбекстандық Муроджон Юлдошевтен айласын асырды
Данияр Шамшаев дзюдодан Азия чемпионы атанды, деп хабарлайды Azattyq Rýhy.
Елордада өтіп жатқан дзюдодан Азия чемпионатында қазақстандық Данияр Шамшаев 73 келі салмақта чемпион атанды. Ол финалда өзбекстандық Муроджон Юлдошевтен айласын асырды. Белдесу өте жылдам аяқталды. Данияр қарсыласының әлсіз тұсын байқап, «иппонға» қол жеткізді. Нәтижесінде белдесу уақытынан ерте тоқтатылды.
Айта кетейік, құрлықтық дода 7 тамыз күні аяқталады. Аталған додаға Азияның 19 елінен келген 200-ден астам балуан 14 салмақта бақ сынап жатыр. Оның ішінде 18 балуан Қазақстанның намысын қорғауда.