ШҚО-да зейнеткердің 3,5 млн теңгесін ұрлаған ауыл тұрғыны ұсталды

Шығыс Қазақстан облысы Глубокое ауданының полиция бөліміне Предгорное ауылының тұрғыны хабарласып, қомақты қаржысының ұрланғанына шағымданған, деп хабарлайды Azattyq Ruhy.

72 жастағы зейнеткер танысы сейфтің құлпын бұзып, 3 миллион 500 мың теңгесін ұрлап кеткенін айтқан.

«Жедел-іздестіру шаралары барысында 34 жастағы жергілікті тұрғын ұсталды. Күдікті ешқайда кетпеу туралы қолхат жазып, үйіне босатылды. ҚР ҚК 188-бабы 3-бөлігі «Ұрлық» бойынша сотқа дейінгі тергеу басталды», - деп көрсетті ШҚО Полиция департаментінің баспасөз қызметі.

Күдікті 7 жылға дейінгі мерзімге бас бостандығынан айырылуы мүмкін.