Пәкістанда әскери тікұшақ жоғалып кетті

Тікұшақта 6 әскери қызметші болған

фото: www.aa.com.tr

Пәкістанда әскери тікұшақ жоғалып кетті, деп хабарлайды Azattyq Ruhy Анадолу агенттігіне сілтеме жасап.

Тікұшақта 6 әскери қызметші болған, олардың арасында генерал-лейтенант Сарфараз Али бар.

Пәкістан әскерінің мәлімдеуінше, әскери қызметшілер су басқан Белуджистан провинциясында көмек көрсету жұмыстарының қалай жүргізіліп жатқанын тексеруге шыққан.

Одан кейін тікұшақ Карачиге қарай бет алғаны белгілі болды.

6 сағаттан астам уақыт бойы экипаж мүшелері байланысқа шықпағандықтан іздеу-құтқару шаралары басталды.

Пәкістан Премьер-министрі Шахбаз Шариф Твиттерінде бұл алаңдайтын жағдай екенін жазды.

Мақалада

#тікұшақ

Алдыңғы жаңалық

Теміртауда қонаққа келген әйел үй иесін тонап кетті