Сонымен қатар ол 7 жылға көлік жүргізу куәлігінен айырылды
Қостанайда мас күйде көлік жүргізген полицей жүргізуші куәлігі мен жұмысынан айырылды, деп хабарлайды Azattyq Rýhy тілшісі.
Полицейлер өз әріптесін рейд кезінде тоқтатқан. Құжаттарын тексеру кезінде оның полиция қызметкері екені анықталған.
«Медициналық куәландыру кезінде оның жеңіл деңгейлі мас болғаны анықталған. Ол жұмыстан босатылды. Сонымен қатар көлік жүргізу құқығынан 7 жылға айырылды. Сондай-ақ, 15 тәулікке әкімшілік қамауға алынды», - деді Қостанай облысы Полиция департаментінің баспасөз қызметіндегілер.