Қар көшкіні 4-9 ақпан арылығында болуы мүмкін
Шығыс Қазақстан облысында 4-9 ақпан арылығында қар көшкіні жүруі мүмкін, деп хабарлайды Azattyq Rýhy тілшісі ШҚО Төтенше жағдайлар департаментінің баспасөз қызметіне сілтеме жасап.
«Қазір таулы жерлерде қар қалыңдығы 1,5 метрден асады. Күн жылынғанда тау бөктеріндегі қар еріп, көшкін жүруі әбден мүмкін. Бұл әсіресе түскі уақытта ауа температурасы жылығанда болуы ықтимал. Сондықтан тұрғындарға алыс сапарға шықпауға, көшкін қаупі жоғары таулы жерлерге бармауға кеңес береміз», - делінген ведомство хабарламасында.
Естеріңізге сала кетсек, осыған дейін Шығыс Қазақстан облысында екі рет қар көшкіні жүрген болатын.