«Жұмысқа орналастырып беремін» деп 3 млн теңге алған: Шымкентте күдікті ер адам ұсталды
Күдіктіге қатысты сотқа дейінгі тергеп тексеру амалдары жүріп жатыр
Шымкент қаласы Әл-Фараби аудандық Полиция басқармасына жергілікті тұрғын арызданды. Ол өз шағымында, белгісіз азаматтың Атырау қаласында белгілі бір кешенге жұмысқа орналастырып беремін деп 2 926 000 теңге көлеміндегі қаржысын алдап алған. Арада біршама уақыт өтсе де берген уәдесін орындамаған. Бұл туралы Azattyq Ruhy Otyrar.kz-ке сілтеме жасап хабарлайды.
Аталған жайтты полицейлер ҚР ҚК-нің 190-бабы «Алаяқтық» бойынша тіркеп, іздестіру амалдарын бастады.
Күдіктінің жеке басын анықтау мақсатында барлық қажетті шараларды жүргізді. Жүргізілген іс-шаралардың нәтижесінде қалалық тәртіп сақшылары күдікті ер адамды қала аумағында жасырынып жерген жерінен ұстады.
Қазіргі таңда, ұсталған күдіктіге қатысты сотқа дейінгі тергеп тексеру амалдары жүріп жатыр.
