Елена Рыбакина Алматыдағы кездесуін кейінге қалдырды

Уимблдон чемпионы Елена Рыбакина Алматыдағы кездесуін кейінге қалдырды, деп хабарлайды Azattyq Ruhy.

Бұл туралы Қазақстан теннис федерациясының баспасөз қызметі мәлім етті.

Елена Рыбакина Алматыға баруды бүгінге жоспарлаған.

«Қымбатты алматылықтар! Уимблдондағы жеңістен кейінгі қуанышты бөлісу үшін бүгін сіздерге жетемін бе деп ойлап едім. Өкінішке қарай, соңғы күндердегі шаршағандық пен жүйкеге түскен салмақ жоспарымды өзгертіп жіберді. Толық қалпыма келу үшін үзіліс алуға тура келді. Сіздің тамаша қалаңызға келесі жолы міндетті түрде барамын. Түсіністік танытып, қолдау көрсеткендеріңіз үшін алғыс айтамын», - деді Е. Рыбакина.