Зардап шеккендер жоқ
Солтүстік Қазақстан облысында болған дауыл мен жаңбыр Тайынша ауданындағы ауыл мектебінің шатырын ұшырып әкетті, деп хабарлайды Azattyq Rýhy.
Әлеуметтік желіде табиғаттың дүлей мінезі – дауылды жаңбырдың бейнежазбасы тарады. Оқиға 11 шілде күні сағат 15.00 шамасында СҚО Тайынша ауданының Чермошнянка елді мекенінде болған. Қатты дауыл ауыл мектебінің шатырын ұшырып әкеткен.
СҚО білім басқармасының мәліметінше, дауыл салдарынан Чермошнянка орта мектебінің аумағы 924 шаршы метр болатын шатыры зақымданды. Зардап шеккендер жоқ. Өйткені бұл уақытта мектепте ешкім болмаған.
Білім ордасы 2008 жылы күрделі жөнделіп, шатыры, жылыту жүйесі ауыстырылған екен.