Ұсталған азамат уақытша ұстау изоляторына қамалды
Шымкент қаласында ҚАЖ департаменті басшысының міндетін атқарып жүрген орынбасары қамауға алынды. Бұл ақпаратты ҚР Ішкі істер министрлігінің баспасөз қызметі растады, деп хабарлайды Azattyq Rýhy.
«2022 жылдың 9 шілдесінде Шымкентте өзінің қызметтік кабинетінде ҚАЖД бастығының міндетін уақытша атқарушы ұсталды. Сотқа дейінгі тергеу амалдары парақорлық фактісі бойынша жүріп жатыр. Ұсталған азамат уақытша ұстау изоляторына қамалды», - делінген ІІМ таратқан хабарламада.
Анықталғандай, оған қатысты бұлтартпау шарасын санкциялау қаралып жатыр.
«Сыбайлас жемқорлық мәселесі ішкі істер министрлігінің күнделікті бақылауында. Осыған ұқсас фактілер туралы ҚР ІІМ өзіндік қауіпсіздік басқармасына хабарласуға болады», - дейді ведомстводан.