Қазақстандықтар жаңа ипотекалық бағдарламада пәтер құнын екі есе сомамен қайтарады

«Бәйтерек» ҰБХ» АҚ басқармасы бүгін Үкімет отырысында жаңа ипотекалық бағдарламаны ұсынды. Осы ретте Krisha.kz порталы жаңа шарттарға сәйкес әртүрлі баға санатындағы бірнеше баспана құнын есептеп шығарды, деп хабарлайды Azattyq Ruhy.

Мамандар бастапқы жарнаны, кредиттің жалпы мөлшерін, ең жоғары 20 жылға арналған ай сайынғы төлемдерді қоса есептеген. Ипотекалық несие аннуитеттік төлемге сай жылына 12% мөлшерлемемен тең үлестерілген.

Сондай-ақ, отбасының қажетті табысы көрсетілген.

• Пәтер құны – 35 млн тг;
• Ипотека – 28 млн тг;
• Бастапқы жарна – 7 млн тг;
• Ай сайынғы төлем – 308 мың тг;
• Толық шығындар – 81 млн тг;
• Артық төлем – 46 млн тг.

Отбасының жалпы табысы айына 617 мың теңгеден кем емес.

• Пәтер құны – 20 млн тг;
• Ипотека – 16 млн тг;
• Бастапқы жарна – 4 млн тг;
• Ай сайынғы төлем – 176 мың тг;
• Толық шығындар – 46 млн тг;
• Артық төлем – 26 млн тг.

Отбасының жалпы табысы айына 352 мың теңгеден кем емес.

Бұл бағдарлама бойынша пәтерді тек бастапқы нарықта сатып алуға болады. Құрылысы әлі бітпеген үйден баспана алу үшін құрылыс компаниясынан кепілдік беру қорының кепілдік құжатын алу керек.

Ипотеканы максималды мерзіммен төлеген жағдайда клиент баспана құнын банкке екі есе сомамен қайтарады.