Қаңтар оқиғасы: ҰҚК қызметкерлері азаптау бабы бойынша тергеліп жатыр

Қаңтар оқиғасы бойынша ҚР Ұлттық қауіпсіздік комитетінің қызметкерлері азаптау ісі бойынша тергеліп жатыр. Бұл туралы ҚР ҰҚК төрағасының орынбасары Асқар Әмірханов айтты, деп хабарлайды Azattyq Rýhy.

Мәжіліс отырысынан кейін тілшілер Асқар Әмірхановқа қаңтар оқиғасы бойынша азаптауға қатысқандар арасында ҰҚК қызметкерлерінің бар-жоғы туралы сұрақ қойды.

«Иә, бар, бірақ олардың нақты санын айта алмаймын», - деп жауап берді ҰҚК төрағасының орынбасары.

Ол тергеліп жатқандардың «Азаптау» бабы бойынша қылмыстық іске тартылғанын және істі қарастыру мерзімін тергеу анықтайтынын айтты.

«Бұл ретте тергеу мерзімі жарты жылға дейін созылуы мүмкін», - деді ҰҚК өкілі.