Қауіпті індет ерлі-зайыпты екі адамнан табылды
Италияда 6 мың жолаушысы бар круиз лайнерінде екі адамнан коронавирус анықталып, кеме Чивитавеккья портында уақытша оқшауланды, деп хабарлайды «Хабар 24».
Қауіпті дерт Гонконгтан келе жатқан ерлі-зайыптыдан шықты. Олар қаңтардың 25-і күні Миланға ұшақпен келіп, бірнеше күн бұрын Савона қаласында кемеге отырған. Қазір дертті жұқтырған ерлі-зайыпты оқшауланып, дәрігерлер қажетті тексерулер жүргізді. Оқиғаға байланысты круиз лайнеріндегі өзге жолаушылардың жағалауға түсуіне шектеу қойылған.