Шілдеде Президенттің төрағалық етуімен Үкіметтің кеңейтілген отырысы өтеді

Автор: Azattyq Rýhy

Бұл туралы ҚР Премьер-министрі Әлихан Смайылов мәлімдеді

Фото: primeminister.kz

Үкімет отырысында ҚР Премьер-министрі Әлихан Смайылов шілде айында Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтетінін мәлім етті, деп хабарлайды Azattyq Ruhy.

«Осы жылдың шілдесінде Мемлекет басшысының төрағалығымен Үкіметтің кеңейтілген отырысы өтіп, онда елдің бірінші жартыжылдықтағы әлеуметтік-экономикалық дамуының қорытындылары шығарылады. Атап айтқанда, инфляция мен инвестицияға қатысты мәселелер көтеріледі», – деді Әлихан Смайылов.

Үкімет басшысы барлық министрлер мен әкімдерге отырысқа дайындалуды тапсырды.

Ол барлық өңір, соның ішінде үш жаңа облыс бойынша да алты айдың қорытындысы шығарылуы тиіс екенін айтты.