Биыл Баянауылға 120 мыңнан астам демалушы келеді деп күтілуде
Өткен жылы ұлттық паркте 56 мыңнан астам турист демалды, деп хабарлайды Pavlodarnews.kz.
Аудандық дене шынықтыру, спорт және туризм бөлімінің басшысы Зейнолла Тәліповтің айтуынша, жазғы туристік кезеңді 10 маусымда ашу жоспарланып отыр. Алайда Баянауыл ауданындағы 50-ден астам демалыс үйінің жартысынан астамы туристерді қабылдап жатыр.
«30-дан астам жеке кәсіпкер катамарандар мен қайықтарды, велосипедтер мен батуттарды, балаларға арналған аттракциондарды, атпен серуендеуді жалға алуды ұйымдастыруды ұсынды. Сондай-ақ Жасыбай демалыс аймағында жылу аэростатында ұшуды ұйымдастыру жоспарлануда. Демалыс аймағына кіре берісте 40 киіз үйден тұратын этно-ауыл ашылады», - дейді Зейнолла Тәліпов.
Сонымен қатар, жеке кәсіпкерлер сегіз жобаны жүзеге асыруда, олардың арасында Жасыбай және Сабындыкөл көлдерінің жағасында демалыс үйлерінің құрылысы бар.
Биыл Баянауылға 120 мыңнан астам демалушы келеді деп күтілуде.
Естеріңізге сала кетейік, өткен жылы Баянауыл курорттық аймағы еліміздегі туризмнің басымдық берілген нысандардың ондығына кірді. Онда 37 демалыс үйі жұмыс істеді.