Таразда 57 жастағы әйелді пышақтап өлтіріп, үйін өртеп кеткен күдікті қамауға алынды

Azattyq Rýhy

32 жастағы азамат бұған дейін екі мәрте сотты болған

Таразда 57 жастағы әйелді пышақтап өлтіріп, үйін өртеп кеткен күдікті қамауға алынды
Фото ашық дереккөзден

Таразда 57 жастағы әйелді пышақтап өлтіріп, үйін өртеп кеткен күдікті қамауға алынды. Қолын қанға малған азамат өзі от қойған баспананың терезесінен қашып шыға бергенде ұсталып қалған, деп хабарлайды Azattyq Rýhy КТК арнасына сілтеме жасап.

Қайғылы жағдай 18 мамырда түнгі сағат он екі шамасында болған. Куәгерлердің сөзіне сенсек, ішімдікке сылқия тойған 32 жастағы жергілікті тұрғын азаматтық некедегі күйеуі бар әйелдің үйіне келіп мазасын алған. Сол жерде жанжал туындап, арты төбелеске ұласыпты. Қаскөй әйелді пышақтап өлтіріп, күйеуін жаралған. Қаза тапқан кісінің кәмелетке толмаған екі қызы қашып үлгеріп, полицейлерді шақыртқан.

Ал күдікті қылмысын жасыру үшін үйді әдейі өртеп ізін суытпақ болыпты. Бірақ терезеден сытылып шығамын дегенде ұсталып қалған. 32 жастағы азамат бұған дейін екі мәрте сотты болған.

«ҚР ҚК 99-бабы, 1-бөлігімен сотқа дейінгі тергеу жүргізілуде.Жедел іздестіру іс-шараларының нәтижесінде полиция қызметкерлері осы қылмысты жасады деген күдікпен 32 жастағы Тараз қаласының тұрғынын анықтап ұстады. Барлық сараптама тағайындалды. Оқиғаның мән-жайы анықталуда», - деді Жамбыл облысы ПД баспасөз хатшысы Гүлсара Мұхтарқұлова.

 

 

×
Бұл желілік ресурстың ақпараттық өнімдері 18 жастан асқан адамдарға арналған.