Бұл жолы қарудың 20 данасы, граната және 360 дана оқ тәркіленді
Жамбыл облысында қаңтар оқиғасы кезінде жасырылған тағы бірнеше қару-жарақ табылды, деп хабарлайды Azattyq Rýhy.
Бұл жолы қарудың 20 данасы, граната және 360 дана оқ тәркіленді. Ішінде Калашников автоматы, Макаров тапаншасы бар. Қазір сот баллистикалық сараптама тағайындалды. Полиция өз еркімен қару өткізген тұлғалар әкімшілік және қылмыстық қудалаудан босатылатынын хабарлайды.
Айта кету керек, соңғы бір аптада тұрғындар полицияға 52 қару-жарақ өткізген.