Маңғыстауда итбалықтардың қырылуына қатысты тексеру жұмыстары басталды

Azattyq Rýhy

Су жануарларының жаппай қырылу және қауіп-қатері себебін анықтау үшін жұмыс тобы құрылды

 

Фото: Экология министрлігі

ҚР Экология және Экология, геология және табиғи ресурстар министрлігіне қарасты Балық шаруашылығы комитетінің Қаражанбас кен орнының су бөгеті аймағында итбалықтардың қырылуына қатысты түсініктеме берді, деп хабарлады Azattyq Rýhy.

2022 жылы 26 сәуірде әлеуметтік желілердегі ақпаратқа мониторинг жүргізу барысында, Каспий теңізінің жағалауында «Қаражанбас» кен орнының су бөгеті маңында өлі итбалықтардың 50-ге жуық ұшасы табылғаны туралы ақпарат анықталды.

Оқиға орнына Жайық-Каспий облысаралық бассейндік балық шаруашылығы инспекциясының Маңғыстау облысы бойынша балық инспекциясы басқармасының мемлекеттік инспекторлары жедел жолданды.

«Бүгінде жауапты мемлекеттік органдар арасында 2021-2022 жылдарға арналған өзара іс-қимыл жоспарына сәйкес, су жануарларының жаппай қырылу және қауіп-қатерін анықтау үшін жұмыс тобы құрылып жатыр», - деді комитет өкілдері.

Осы мақсатта облыстық құқық қорғау, табиғат қорғау органдарына, прокуратура, ветеринария, жергілікті атқарушы органға, экология және төтенше жағдайлар департаментіне жедел хабарланды.

«2022 жылы 26 сәуір сағат 23:00-ге дейін келіп түскен ақпаратқа сәйкес, теңіз жағалауының әрбір жерінде жатқан 22 өлі итбалық табылды. Итбалықтардың өлу себептерін анықтау үшін жануарлардың ұшаларын зертханалық тексеруге алу мүмкіндігін инспекция қызметкерлерімен қарастырылуда, өйткені олардың денелері ыдырап кеткен», - делінген комитет хабарламасында.

Қазіргі уақытта Маңғыстау облыстық Балық инспекциясы басқармасының инспекторлары балық шаруашылығы субъектілерінің қорықшылық қызметімен бірлесіп, Каспий теңізінің жағалау аймағы мен басқа да учаскелерге бақылау жасауда. Зертханалық зерттеулер жүргізу үшін балық қорғау инспекторлары бірнеше итбалықты, теңіз суы мен топырақтан сынама алды.

Олар Экология департаменті мен ветеринарлық қызметіне тапсырылатын болады. 2022 жылғы 27 сәуірде аталған органдар қызметкерлері оқиға орнына шығуды жоспарлауда.

Сонымен қатар, аталған факті туралы ҚР БҒМ Ғылым комитетінің «Микробиология және вирусология институты» зертханасының қызметкерлеріне, сондай-ақ «Гидробиология және экология институты» Батыс Қазақстан мекемесінің қызметкерлеріне хабардар етілді. Жағалауды бақылау жұмыстары жалғасуда. Жаңартылған ақпарат қосымша жарияланатын болады.

 
×
Бұл желілік ресурстың ақпараттық өнімдері 18 жастан асқан адамдарға арналған.