Ақтауда салынатын стадионға 8 миллиард теңге жұмсалмақ

Ақтау билігі жаңа шағынаудандардың бірінен жаңа стадионға орын бөлді, деп хабарлайды Azattyq Rýhy тілшісі lada.kz сайтына сілтеме жасап.

Meta-ratings.kz сайтының мәліметінше, жаңа стадионның сыйымдылығы 15 000 орынды құрайды.

«Аренаның өзі толығымен УЕФА стандарттарына сай болады делініп отыр. Жобаның құны шамамен 8 миллиард теңгені құрамақ», - делінген ақпаратта.

Айта кетерлігі, Түркістандағы жеті мың орындық стадион құрылысына 12,6 миллиард теңге бөлінген болатын.

Ал ақтаулық «Каспий» құрамасы 5 мың орындық «Жас Қанат» стадионында өнер көрсетіп жүр. Биылғы жазда жасанды жабындыны жаңа жабынға ауыстыру жоспарланып отыр.