Петропавл ауруханасында «мина қойылды» деген хабардан соң пациенттер эвакуацияланды

Azattyq Rýhy

Алайда ауруханада бомба қойылғаны туралы ақпарат жалған болып шықты

Петропавл ауруханасында «мина қойылды» деген хабардан соң пациенттер эвакуацияланды
Фото ашық дереккөзден

Петропавлда «мина қойылды» деген қоңыраудан кейін облыстық аурухананың пациенттері шұғыл түрде эвакуацияланды, деп хабарлайды  Azattyq Rýhy Sputnik.kz сайтына сілтеме жасап.

Көпбейінді облыстық аурухананың мәліметінше, 15 сәуір түс кезінде аурухана зертханасына белгісіз біреу телефон шалып, бомба бар екенін айтқан. Зертхана дәрігері бірден ТЖ кезіндегі хабарландыру схемасына сәйкес әрекет етті.

"Аурухана әкімшілігі арнайы қызметтермен бірлесіп ғимараттан 250-ден астам пациент пен қызметкерді шығарды. Науқастардың жағдайына қарай оларды емхананың акт залы мен хирургиялық корпус ғимаратына уақытша орналастырды. Ауыр пациенттер хирургия бөлімшесі мен созылмалы гемодиализ және нефрология бөлімшесіне жатқызылды", - деді ауруханадағылар.

Барлық пациентке толық көлемде медициналық көмек көрсетілген. Сонымен қатар, аурухана эвакуацияланғандарды жүрек жалғау үшін азық-түлікпен және ауыз сумен қамтамасыз етті.

Алайда ауруханада бомба қойылғаны туралы ақпарат жалған болып шықты. Пациенттер палатасына, ал қызметкерлер жұмыс орнына оралды. Ешкім зардап шеккен жоқ.

 

×
Бұл желілік ресурстың ақпараттық өнімдері 18 жастан асқан адамдарға арналған.