Жаңа штамды қанша адамның жұқтырғаны әлі белгісіз
Қытайлық дәрігерлер COVID-19 індетінің жеңіл түрімен ауыратын науқастардың бірінде BA1.1. деп аталатын коронавирустың жаңа штамын анықтады, деп хабарлайды Azattyq Rýhy.
«Өткен сенбіде Шанхай маңындағы қалада табылған штамм «омикроннан» пайда болуы мүмкін. Әрі Қытайдың солтүстігінде пациенттен анықталған вирусқа ұқсас екені айтылды. Жаңа штамның қаншалықты жұқпалы екені және қаншалықты жиі кездесетіні әлі белгісіз», - делінген COVID-19 таралуына жол бермеу жөніндегі ВАК мәліметінде.
Сондай-ақ қанша адам жұқтырғаны әлі белгісіз. Алдын ала мәліметтер бойынша, ол «омикрон» штамы сияқты аурудың асимптоматикалық ағымын тудыруы мүмкін.
Айта кетерлігі, BA1.1. нұсқасына да, «омикронға» да Қазақстан Республикасында бар вакциналар мен бустерлер жақсы қорғаныш болуы мүмкін.