29 наурызға арналған ауа райы болжамы

Azattyq Rýhy

Еліміздің оңтүстік-шығысында қатты желмен бірге қатты жауын-шашын жауады

 

Синоптиктер сейсенбі, яғни 29 наурызға арналған ауа райы болжамын жариялады, деп хабарлайды Azattyq Rýhy.

«Қазақстанның басым бөлігіне солтүстік-батыс циклон және онымен байланысты атмосфералық фронттар әсер ететін болады, осыған байланысты жаңбыр мен қар түрінде жауын-шашын жауады, солтүстікте, солтүстік-батыста, орталықта, оңтүстікте, оңтүстік-шығыста қатты желмен бірге қатты жауын-шашын жауады. Қазақстан бойынша тұман түседі, көктайғақ болады, солтүстік жартысында бұрқасын болады», - делінген «Қазгидромет» РМК хабарламасында.

Ақмола облысының солтүстік- батысында, оңтүстігінде көктайғақ болады, түнде оңтүстік-батыстан соққан жел 15-20 м/с, күндіз 15-20, батыста, оңтүстік-батыста екпіні 23-28 м/с, облыстың солтүстігінде, шығысында 30 м/с және одан аса, күндіз батысында, оңтүстігінде бұрқасын болады.

Түркістан облысының солтүстігінде, батысында және таулы аудандарында жел 17-22 м/с, облыстың солтүстігінде және таулы аудандарында екпіні 23-28 м/с, таулы асуларда 30 м/с және одан аса, таңертең және күндіз тау және таулы аудандарда кей уақытта найзағай ойнайды.

Жамбыл облысының оңтүстігінде, солтүстік-шығысында және таулы аудандарда тұман түседі, облыстың оңтүстік-батысында, солтүстік-шығысында, таулы аудандарында жел 15-20, күндіз екпіні 23-28 м/с, облыстың шығысы мен орталығында кей уақытта 30 м/с дейін соғады.

Шығыс Қазақстан облысының солтүстігінде, батысында тұман, жолдарда көктайғақ болады, облыстың оңтүстік-батысында жел 15-20 м/с күшейеді.

Түнде Қарағанды облысының батысында, күндіз батысында, солтүстігінде, орталығында жаяу бұрқасын, көктайғақ болады, түнде жел облыстың батысында 15-20 м/с, күндіз батыста, оңтүстік-шығыста 15-20, екпіні 23-28 м/с күшейеді Павлодар облысының солтүстігінде, шығысында тұман түседі, көктайғақ болады, күндіз облыстың батысында, оңтүстігінде желдің күшеюі 15-20 м/с.

Солтүстік Қазақстан облысының оңтүстік-батысында, батысында, солтүстігінде төмен бұрқасын, көктайғақ болады, облыстың оңтүстігінде тұман түседі, түнде облыстың оңтүстік-батысында, батысында 15-20 м/с жел күшейеді, күндіз облыстың басым бөлігінде 15-20 м/с, облыстың оңтүстік-батысында, батысында екпіні 23-28 м/с, Қостанай облысының батысында, солтүстігінде төмен бұрқасын соғады, облыстың батысында, оңтүстігінде тұман түседі, көктайғақ болады, желдің күшеюі түнде батыста, солтүстігінде 15-20 м/с, күндіз 15-20, екпіні 23-28 м / с жетеді, кейде екпіні 30 м/с дейін жетеді.

Ақтөбе облысының оңтүстігінде, шығысында түнде көктайғақ болады, желдің күшеюі облыстың оңтүстігінде түнде 15-20 м/с, күндіз 15-20, облыстың батысында, солтүстігінде екпіні 23-28 м/с, Маңғыстау облысының батысында, солтүстігінде, орталығында 15-20 м/с, күндіз облыс орталығында шаңды дауыл соғады.

Атырау облысының басым бөлігінде жел 15-20 м/с күшейеді, күндіз екпіні 23-28 м/с жетеді, Батыс Қазақстан облысының солтүстігінде тұма түседі, түнде оңтүстік-батыста желдің күшеюі, күндіз облыстың басым бөлігінде екпіні 15-20 м/с, түнде солтүстік-шығыста көктайғақ болады, бұрқасын соғады.

Күндіз Алматы облысының батысы мен шығысында желдің жылдамдығы 18-23 м/с жетеді.

 
×
Бұл желілік ресурстың ақпараттық өнімдері 18 жастан асқан адамдарға арналған.