Ұшақ бортында 133 жолаушы болған
Қытайдың оңтүстігінде China Eastern авиакомпаниясының Boeing 737 жолаушылар кемесі апатқа ұшырады, әзірге қаза тапқандар туралы ақпарат жоқ. Бұл туралы CGTN ресми Twitter-дегі парақшасында жазды, деп хабарлайды Azattyq Rýhy.
Қытай тарапының ақпараты бойынша, ұшақ Куньминнен Гуанчжоуға ұшып шыққан, әуе кемесінің бортында 133 жолаушы болған. Ұшақ Гуанси-Чжуан автономиялық ауданына қарасты Учжоу қалалық округінің Тэн уезіндегі таулы жерде құлаған.
Қазіргі уақытта іздестіру-құтқару жұмыстары жүргізілуде.