«Қазгидромет» төрт облыс пен бір қалада ауа райына байланысты ескерту жариялады
«Қазгидромет» Қазақстанның бірқатар өңірінде ауа райының қолайсыздығына байланысты ескерту жариялады, деп хабарлайды Azattyq Rýhy тілшісі.
Атап айтқанда, ертең Қызылорда облысының кей жерлерінде тұман, көктайғақ күтіледі. Ал Ақмола облысында кей жерлерде тұман, бұрқасын болуы ықтимал. Оңтүстік-батыстан соққан жел солтүстік-батысқа ауысады, кей жерлерде екпіні секундына 15-20 метрге жетеді.
Қостанай облысының кей жерлерінде тұман, көктайғақ болуы мүмкін. Ал Солтүстік Қазақстан облысында қар жауады. Кей жерлерде бұрқасын, тұман күтіледі. Оңтүстік-батыстан жел соғады, кей жерлерде епкіні секундына 15-20 метрге жетеді.
Петропавл қаласында қар жауады, бұрқасын болуы ықтимал. Оңтүстік-батыстан жел соғады, екпіні 15-20 метр болмақ.