Коронавирус пен пневмониядан бір тәулікте 14 науқас көз жұмды

Денсаулық сақтау министрлігі 2022 жылдың 27 ақпандағы коронавирус инфекциясымен ауырғандарға қатысты ақпаратты жариялады, деп хабарлайды Azattyq Rýhy COVID-19 таралуына жол бермеу жөніндегі ВАК мәліметіне сілтеме жасап.

Өткен тәулікте COVID-19 вирусынан 13 адам қайтыс болды.

27 ақпандағы мәлімет бойынша, 22 912 адам коронавирус инфекциясынан (–21 798+ және 1 114 КВИ-) емделуде, олардың ішінде 2 592 пациент стационарда, 20 320 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

- 184 адамның жағдайы ауыр,
- 69 пациенттің жағдайы өте ауыр,
- 63 науқас ӨЖЖ аппаратында жатыр.

Сондай-ақ COVID-19 пневмониясына қатысты ақпаратқа сүйенсек, 26 ақпандағы мәлімет бойынша 38 жаңа жағдай тіркелді, 21 адам емделіп шықты, 1 өлім жағдайы тіркелді.

Жалпы, 2020 жылдың 13 наурыздан бастап:

- науқастар саны – 88 114;

- жазылып шыққандар саны – 81 663;

- өлім жағдайы – 5 337.