Қаңтарда РОП-тың бүкіл ақшасы мемлекеттің иелігіндегі ұйымға берілді – Скляр

Қаңтарда РОП-тың бүкіл ақшасы мемлекеттің иелігіндегі ұйымға берілді. Министрлік утиль алымнан түскен қаражаттың тиімді жұмсалуына жауапты, деп хабарлайды Azattyq Rýhy тілшісі.

Бұл туралы Премьер-Министрінің бірінші орынбасары Р.Скляр «Хабар 24» арнасына берген сұхбатында мәлімдеді.

«Бізде автопром жоқ. Біз дайын дөңгелектерді құрастырамыз. Қазақстандағы автопром утиль алымнан түскен қаражаттан субсидия алады. Біздегі салондарда сатылатын көліктерді автодилер 10 млн теңгеге алып келген болса, ол 1 млн теңгені утиль алымға төлейді. Яғни, көлік құны 9 млн болады. Ал біздің отандық өндірушілер көліктердің бөлшектерін алып келеді. Оның бағасы 9 млн теңге болса, 1 млн теңге утиль алымға төленеді. Көлік салонда сатылған болса РОП есебінен 1 млн теңге қайта қайтарылады. Бұл дегеніміз ақша айналымы жүреді деген сөз. Біздің автоқұрастырушы компанияларымыз утиль алымнан босатылған. Бізде құрастырылған көліктер сатылатын болса, сәйкесінше олардан да алынбайды. Біз ешнәрсе жасырып отырған жоқпыз», - деді ол. 

Қаңтарда РОП-тың бүкіл ақшасы мемлекеттің иелігіндегі ұйымға берілді. Министрлік  утиль алымнан түскен қаражаттың тиімді жұмсалуына жауапты.

«Қазір РОП-та 200 млрд теңге қалдық ақша бар. Бұл ешқайда кетпейді. Оған «Жасыл даму» және министрлік жауапты», - дейді ол.