Шерзод Хаширбаев Олимпиада ойындарының финалына өте алмады

Бейжің Олимпиадасында фристайл-акробатикадан ерлер арасында іріктеу сайыстары өтті. Онда Қазақстан сапынан Шерзод Хаширбаев бақ сынады, деп хабарлайды Olympic.kz.

Бірінші іріктеуде Хаширбаев финалға өте алмады. Бұл үшін, еске сала кетсек, ең мықты алты спортшының қатарына кіру қажет еді. Қазақстандық спортшы 109.74 ұпай жинап, 15 орынға тұрақтады.

Екінші іріктеу сынында спортшы қателік жіберіп, төрешілер шешімімен тек 69.23 ұпайға ие болды. Ол жарысты 13-орында аяқтап, финалдан тыс қалды.

Жалпы қорытынды бойынша спортшымыз Олимпиада ойындарын 19 орында тәмамдады.

Іріктеу кезеңінің үздігі қытайлық Гуанпу Ци болды - 127.88 ұпай.