ҚР МКҚ қызметкерлері қаза тапқандардың отбасына бір күндік жалақысын аударды

Қазақстан Республикасы Мемлекеттік күзет қызметінің басшылығы мен жеке құрамы күштік құрылымдар қаза тапқан қызметкерлерінің ата-анасына және туған-туыстарына қайғырып, көңіл айтты, деп хабарлайды Azattyq Rýhy.

«Бейбіт халықты қорғау кезіндегі олардың ерлігі мен жанқиярлық батырлығы – қызметтік борышты атқару мен антқа адалдықтың үлгісі!
Олардың ерлігі әрқашан біздің жүрегімізде болып, кейінгі жас ұрпақты тәрбиелеу ісінде үлгі болады.

Моральдық қолдау және материалдық көмек көрсету мақсатында, ҚР Мемлекеттік күзет қызметі бір күндік жалақысын қаза тапқан қызметкерлердің отбасыларына  жібереді!», - делінген ҚР мемлекеттік күзет қызметінің хабарламасында.