Қазіргі уақытта тергеу тобы жұмыс істеп жатыр
Ақтауда көпқабатты үйдің терезесінен құлап кеткен қыз қайтыс болды, деп хабарлайды lada.kz.
Порталдың хабарлауынша, қайғылы оқиға 15-шағынауданда болған. Куәгерлердің сөзінше, қыз 15-шағынаудандағы "Оазис" тұрғын үй кешенінің 15-қабатындағы пәтер терезесінен құлап кеткен.
Полиция департаменті 29 желтоқсанда сағат 17:58-де шақырту түскенін мәлімдеді. Марқұм 24 жаста екен.
Ведомство өкілі қазір осы дерек бойынша жедел тергеу тобы жұмыс істеп жатқанын айтты.