Әлемдік рейтинг: үш қазақстандық дзюдошы топ-10 қатарынан көрінді

Халықаралық дзюдо федерациясы (IJF) жылдың қорытынды рейтингін жариялады. Үздік ондықтың қатарында үш қазақстандық спортшы бар, деп хабарлайды Azattyq Rýhy Olympic.kz-ке сілетеме жасап.

Олимпиада комитеті ұсынған деректерге сүйенсек, 60 келіге дейінгі салмақта Ғұсман Қырғызбаев пен Елдос Сметов алғашқы ондыққа енді.

Нақтырақ айтқанда 258 дзюдошының ішінде Ғұсман Қырғызбаев 9-орында, ал Елдос Сметов 10-орында тұрақтаған.

Сондай-ақ, 66 келідегі 327 спортшының ішінде қазақстандық Елдос Жұмаханов 19-шы, Ерлан Серікжанов 22-ші сатыда.

73 келідегі Жансай Смағұлов әлемдік рейтингте 8-ші орында тұр. 81 келіде Дидар Хамза 32-ші сатыға тұрақтаса, 90 келіге дейінгі салмақта Ислам Бозбаев 18-ші орынға табан тіреді. Ал, аса ауыр салмақта Ерасыл Қажыбаев 33-ші орыннн көрінді.

Айта кететін жайт, келесі маусымда Сметов пен Қырғызбаев 66 келіге, Серікжанов 73 келіге ауысады.