Ауа райының қолайсыздығына байланысты кей өңірлерде жолдар жабылды

Ауа райының қолайсыздығына байланысты Алматы және Батыс Қазақстан облыстарындағы жолдар жабылды, деп хабарлайды Azattyq Rýhy ҚР Индустрия және инфрақұрылымдық даму министрлігінің баспасөз қызметіне сілтеме жасай отырыпү

Алматы облысында тұман әсерінен жолдың нашар көрінуіне байланысты 26 желтоқсанда сағат 11:30-дан бастап "Алматы – Өскемен" автожолының 76-161 шақырымында, Қапшағай қаласы мен Сарыөзек кенті арасындағы учаскеде автокөліктің барлық түрлері үшін қозғалысқа шектеу енгізілді.

Батыс Қазақстан облысында бұрқасын салдарынан 25 желтоқсанда сағат 20:05-тен бастап "Орал – Тасқала – РФ шекарасы", Орал – РФ шекарасы учаскесі автожолының 4-104 шақырымындағы жол учаскесі жабылды.

Сондай-ақ, боран мен жолдың нашар көрінуіне байланысты 26 желтоқсанда сағат 12:10-нан бастап "Подстепное-Федоровка" тас жолының 3-144 шақырымындағы, Подстепное ауылы мен РФ шекарасы арасындағы учаскесінде де автокөліктің барлық түрлері үшін қозғалысқа шектеу енгізілді.