Энергетика министрлігі солтүстік пен шығыстағы газсыз қалған өңірлер мәселесін қалай шешетінін айтты

Энергетика министрлігі солтүстік пен шығыстағы өңірлерді газдандырудың екі нұсқасы қарастырылып отырғанын мәлімдеді, деп хабарлайды Azattyq Rýhy.

«Біріншісі, «Сарыарқа» магистральдық газ құбырын жалғастыру болса, екіншісі – Ресей Федерациясынан магистральдық газ құбырларын салу. Сондай-ақ тұтынушылардың табиғи газға деген өсіп келе жатқан қажеттілігін жабу үшін әртүрлі кезеңдерде «Бейнеу-Бозой-Шымкент» магистральдық газ құбырының екінші желісі, «Бейнеу-Жаңаөзен» газ құбырының екінші желісі, «Бұхара-Орал» газ құбырынан Ақтөбе қаласына дейін газ бұру құбырының үшінші желісін салу жоспарланып отыр», − дейді Мағзұм Мырзағалиев.

Оның айтуынша, 2030 жылы 13,5 млн адам немесе еліміздегі халық санының 65% пайызы табиғи газға қол жеткізеді.