Елімізде құрылысшылардың орташа жалақысы белгілі болды

Azattyq Rýhy

Ең жоғарғы орташа айлық жалақы Атырау облысында тіркелді

Фото ашық дереккөзден

Биыл үшінші тоқсанда еліміздің құрылыс саласында 640,7 мың адам жұмыспен қамтылды, өткен жылмен салыстырғанда 3%-ға артығырақ. Бұл туралы Azattyq Rýhy Finprom.kz-ке сілтеме жасап хабарлайды.

Өңірлерде құрылыс саласында жұмыспен қамтылғандардың көп бөлігі елордада тіркелген: 74,7 мың адам (+ жылына 11,3%). Сол сияқты Алматы мен Түркістан облыстары да үштікке кірді. Осы салада жұмыспен қамтылғандардың ең аз бөлігі Солтүстік Қазақстан облысында тіркелді (11,2 мың адам (- 2,9%).

Елімізде құрылыс саласында кадр тапшылығы қатты байқалады. Өткен жылмен салыстырғанда биыл нарықтағы бос жұмыс орындарының саны 53%-ға артқан.

Құрылысшылардың орташа айлық жалақысы биыл үшінші тоқсанда 314,3 мың теңгеге жетті, бұл өткен жылдан 32,5%-ға артық. Ал ең жоғарғы орташа айлық жалақы Атырау облысында тіркелді. Ол жақта мамандар 465,4 мың теңге (+ 44,3%) алады.

Ең аз жалақы Қызылорда облысында. Өңірдегі жалақы – 166,8 мың теңге. Бұл өткен жылдан 11,8%-ға артық.

×
Бұл желілік ресурстың ақпараттық өнімдері 18 жастан асқан адамдарға арналған.