Өйткені әуежайдың қауіпсіздік сертификатының мерзімі өткен
Қауіпсіздік сертификатының мерзімі өтуіне байланысты Петропавл әуежайы жабылады. Осыған байланысты Қазақстанның солтүстігіне бағытталған рейстер тоқтатылды, деп хабарлайды Tengrinews.kz.
Qazaq Air компаниясының сайтында Петропавлға бағытталған рейстер тоқтатылғаны хабарланған.
"Петропавл әуежайының жарамдылық сертификатының қолданылуын тоқтата тұруға байланысты 2021 жылғы 1 желтоқсаннан бастап QAZAQ AIR әуекомпаниясы 2021 жылғы 1 желтоқсан мен 31 желтоқсан аралығында барлық рейстің (IQ437 және IQ438) тоқтатылатыны туралы хабарлайды", - делінген Qazaq Air авиакомпаниясының сайтында.
Жолаушыларға билет құнын толық қайтару ұсынылды. Қайтару билеттерді сатып алу орны бойынша жүзеге асырылады.