Нұр-Сұлтанда бір күнде айлық мөлшерде қар жауды
Нұр-Сұлтан қаласында ауа райының қолайсыздығына байланысты екінші ауысымдағы 0-7 сынып оқушылары үшін сабақ онлайн форматта өтеді. Бұл туралы қалалық білім басқармасы хабарлайды.
«25.11.2021 жылы ауа райының қолайсыздығына байланысты қала мектептерінің ЕКІНШІ ауысымының 0-7 сынып оқушылары қашықтықтан оқыту форматына көшеді», - делінген Білім басқармасы таратқан хабарламада.
Айта кетейік, Нұр-Сұлтан қаласында 24 қарашадан 25-іне қараған түні 26 мың текше метрге жуық қар шығарылды. Яғни бір тәулік ішінде Нұр-Сұлтанда айлық жауын-шашын мөлшері түсті.