Мұндай шешімге Ресейдегі ұшақ апаты себеп болды
Беларусь билігі Ресейдің Иркутск облысындағы ұшақ апатынан кейін Ан-12 жұмысын тоқтата тұруға шешім қабылдады. Бұл туралы авиация департаментінің директоры Артем Сикорский мәлімдеді, деп хабарлайды Lenta.ru.
"Бүгін, 3 қараша, сағат 11:34-те Иркутск әуежайында мұзды жаңбыр кезінде Гродно авиакомпаниясының Ан-12 ұшағы апатқа ұшырады. Авиация департаменті тергеу аяқталғанға дейін Беларусь авиациясының АН-12 ұшақтарын коммерциялық пайдалануды тоқтата тұру туралы шешім қабылдады",- деді Сикорский.
Апатқа ұшыраған Ан-12 ұшағы "Кепервей-Якутск-Иркутск" бағыты бойынша жүк рейсін жүзеге асырған. Ол Иркутскіден жеті шақырым жерде радардан жоғалып кетті. Кейінірек оның құлағаны белгілі болды. Төтенше жағдайлар министрлігі құлаған кезде ұшақ жанғанын хабарлады.
Бортта экипаждың жеті мүшесі - Ресей, Беларусь және Украина азаматтары болды. Иркутск облысының губернаторы олардың барлығы қайтыс болғанын айтты. Құтқарушылар бес адамның денесін тапты.