Елімізде екі қалада 5G сынақтан өтіп жатыр

Қазақстандағы екі қалада - Нұр-Сұлтан мен Алматыда 5G желісін сынақтан өткізу басталды, деп хабарлайды Azattyq Rýhy.

«Кейбір астаналықтар мен алматылықтар интернеттің жылдамдығы едәуір ұлғайғанын байқаған да шығар. Біз 5G желісін сынақтан өткізу үшін жиілік диапазонын бөлген болатынбыз. Байланыс операторлары Нұр-Сұлтан және Алматының кей жерлерінде 5G желісін тесттен өткізіп жатыр. Алғашқы өлшемдер жақсы нәтиже көрсетуде», - деп жазды Цифрлық даму, инновациялар және аэроғарыш өнеркәсібі министрі.

Айта кетейік, елімізге 5G желісінің стандарты енгізілетіні 2019 жылы, үкімет отырысынан кейін белгілі болған еді. Бағдат Мусиннің айтуынша, бұл желі 3G мен 4G-ді алмастырмайды.