Білім министрлігі «Ұстазыңды құттықта!» акциясын бастайды
Аталған іс-шара 3 қазанға дейін жалғасады
Педагогтердің кәсіби мерекесі қарсаңында ҚР Білім және ғылым министрлігі «Ұстазыңды құттықта!» челленджін бастайды, деп хабарлайды Azattyq Rýhy ведомствоның баспасөз қызметіне сілтеме жасап.
Челленджге қатысу үшін Instagram және Facebook әлеуметтік желілері арқылы #ұстаздаркүні #ұстазыңдықұттықта #деньучителя #поздравьсвоегоучителя хэштегтерін пайдалана отырып, жазбаша немесе фото-видео құттықтауды жариялау қажет.
«Акцияның мақсаты – мұғалімдерге қызығы мен қиындығы қатар жүретін әрі маңызды және адал еңбегі үшін Алғыс айту. Акцияға білім алып жүрген оқушылармен қатар, мектеп түлектерінің де қатысуға мүмкіндігі бар. Ең креативті құттықтау авторлары ҚР Білім және ғылым министрлігінен естелік сыйлықтар алады», - делінген хабарламада.
Аталған іс-шара 3 қазанға дейін жалғасады. Акция 4 қазанда қорытындыланады.
