Журналист Бақытгүл Мәкімбай дүниеден өтті

Қазақстандық журналист Бақытгүл Мәкімбай 59 жасында өмірден өтті, деп хабарлайды Azattyq Rýhy.

Бақытгүл Мәкімбай 1962 жылы 15 қазанда Шығыс Қазақстан облысында дүниеге келген.

Ұзақ жылдар бойы тәуелсіз басылымдарда жұмыс істеген Б. Мәкімбай Қазақстан журналистер одағы сыйлығының, сондай-ақ, осы одақтың «Алтын медалінің» иегері, Қазақстан патриоттарының «Алмас қылыш» сыйлығының лауреаты атанған.

Сондай-ақ журналистикадағы еңбегі үшін Бақытгүл Мәкімбайға Сорос халықаралық қоры «Батылдық пен табандылық үшін» сыйлығын табыстаған.