Бала емізіп жүрген адамға вакцина алуға болмайды – РФ Денсаулық сақтау министрлігі

Дәрігерлердің айтуынша, емізу кезеңінде вакцинация жасау қауіпті

Фото: ашық дереккөзден

Коронавирусқа қарсы вакцинация алған соң бала емізуге болмайды. Бұл туралы Azattyq Rýhy РИА Новостиге сілтеме жасап хабарлайды.

«Жаңа коронавирустық инфекцияға қарсы вакциналарды медициналық қолдану жөніндегі нұсқаулыққа (Ковивак, Эпиваккорона, Спутник Лайт) сәйкес зерттеулердің болмауына байланысты жүктілік және бала емізу кезеңінде қолдануға болмайды», - делінген РФ Денсаулық сақтау министрлігінің хабарламасында.

Ал «Спутник V» вакцинасының нұсқаулығына өзгерістер енгізілді, оған сәйкес пайдасы ықтимал қауіптен асып кеткен жағдайларда қарсы көрсеткіштер тізімінен жүктілік кезеңі алынып тасталды.

«Бала емізу кезеңінде вакцинация жасау қауіпті («Спутник V»)», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.