Өрттің шығу себебі анықталып жатыр
Батыс Қазақстан облысында жанар-жағар май стансасы маңында автокөлік жанып кетті, деп хабарлайды БҚО ТЖ департаментінің баспасөз қызметі.
Оқиға Ақсай қаласында Қарашығанақ мұнайгаз конденсаты кенішіне кіреберістің бірінде «Нэфтек» жанар-жағар май құю стансасы ауданында болды. Сағат 12.48-де Daeoo Nexiа автокөлігінің өртеніп жатқаны жөнінде хабар түскен.
Өрт сағат 12.57-де «Өрт сөндіруші» АҚ БҚО филиалы 33-өрт сөндіру бөлімінің күшімен (7 адам, 1 техника) сөндірілді. Зардап шеккендер жоқ.
Қазіргі кезде өрттің шығу себебі, автокөлік иесі, кінәлі адамдар, келтірілген шығын анықталып жатыр.