ТЖД құтқарушылары балаларды үйде жалғыз қалдырмауды ескертті
Семей қаласында құтқарушылар пәтерде қамалып қалған балаға көмекке барды деп хабарлайды ШҚО Төтенше жағдайлар департаменті баспасөз қызметі.
Сорокин көшесіндегі көпқабатты үйдің пәтерінде кішкентай бала іштей қамалып қалған.
«Жедел құтқару жасағының қызметкерлері пәтерге баспалдақпен 2-ші қабаттың терезесі арқылы кіріп, есікті ішінен ашты. Баланың денсаулығына ешқандай қауіп төніп тұрған жоқ. Мұндай оқиғалардың жиілеуіне ата-аналардың бүлдіршіндерді қараусыз қалдыратындығы себеп болады», - деп хабарлады ведомство өкілдері.