Матчты «Qazaqstan» және «Qazsport» телеарналары тікелей эфирде көрсетеді
Бүгін Лондондағы «Уэмбли» стадионында Италия мен Англия кездеседі, деп хабарлайды Azattyq Rýhy.
Англия астанасы Лондон қаласындағы «Уэмбли» стадионында 11 шілдеден 12 шілдеге қараған түні Нұр-Сұлтан уақытымен сағат 00.50-де басталады.
Екі құрама арасындағы матчты «Qazaqstan» және «Qazsport» телеарналары тікелей эфирде көрсетеді.
Айта кетсек, екі құрама бұған дейін 27 мәрте кездескен екен. Оның 10-да Италия жеңіске жетіп, 8-де Англия басым түссе, қалғанында тең нәтиже тіркелген.
Сондай-ақ Англия құрамасына қолдау білдіру үшін стадионға 50 мың жанкүйер келеді деп болжам жасалып отыр.