Бұған дейін үнді штамы Нұр-Сұлтан мен Алматы тұрғындарынан табылған еді
Шымкент тұрғынынан «Дельта» штамы анықталды. Бұл туралы қала әкімінің орынбасары Шыңғыс Мұқан Instagram парақшасында жазды.
«Шымкентте «Дельта» штамм табылды. Бұрынғыларға қарағанда тез тарайды, тез асқынып кетеді. Сақтанып жүрейік», - деп жазды ол.
Айта кетейік, коронавирустың таралуы бойынша бүгін Шымкент қаласы «қызыл аймаққа» өтті.
Бұған дейін «Дельта» штамы Нұр-Сұлтанда (21 маусым) және Алматыда (23 маусым) табылды.