Ауа райы: Қазақстанның бірнеше өңірінде ескерту жарияланды

Синоптиктер ауа райының бұзылуына байланысты еліміздің жеті облысында дауылды ескерту жариялады, деп хабарлайды Azattyq Rýhy «Қазгидромет» РМК баспасөз қызметіне сілтеме жасап.

21 мамыр күні күндіз Атырау облысында солтүстік-батыстан оңтүстік-шығысқа ауысып жел соғады, күші кей жерлерде 15-20 м/с жетеді. Күндіз кей жерлерде 35 градус қатты ыстық болады.

Батыс Қазақстан облысында түнде кей жерлерде найзағай ойнайды. Жел солтүстік-батыстан оңтүстік-шығысқа ауысып соғады, күндіз облыстың оңтүстік-батысында 15-20 м/с жетеді.

Ақтөбе облысының кей жерлерінде найзағай ойнайды. Оңтүстік-шығыстан, оңтүстіктен жел соғады, күндіз кей жерлерінде екпіні 18 м/с жетеді.  

21 мамыр күні күндіз Маңғыстау облысында қатты ыстық 38-40 градус болады.

Түркістан облысының тауларында найзағай, дауыл күтіледі. Солтүстік-шығыстан жел соғады, кей жерлерде күші 15-20 м/с жетеді.

Ақмола облысының шығысында күндіз найзағай ойнайды. Солтүстік-батыстан жел соғады, күндіз кей жерлерде күші 15-20 м/с жетеді.

Солтүстік Қазақстан облысының түнде кей жерлерінде найзағай болады. Солтүстік-батыстан, батыстан жел соғады, кей жерлерде күші 15-20 м/с, күндіз екпіні 25 м/с жетеді.