ФИФА рейтингінде Тәжікстан 4 сатыға жоғарыласа, Қазақстан 4 сатыға төмендеді

Футболдан Қазақстан ұлттық командасы 2019 жылдың қыркүйегіндегі жағдай бойынша Халықаралық футбол қауымдастығы федерациясының (ФИФА) жаңартылған рейтингінде 4 сатыға төмендеді. Бұл рейтинг ұлттық құрамалар арасында өтетін халықаралық үзілістен кейін жасалып отыр. Соңғы рейтинг қорытындысы бойынша Қазақстан ұлттық құрамасы 116-орынға жайғасты. Ал, Тәжікстан құрамасы рейтингте 4 сатыға жоғарылап (115), Қазақстанның алдына шықты. Орталық Азия елдері арасында Өзбекстан ұлттық құрамасы көш бастап тұр (88).

Еске салайық, Қазақстан қыркүйекте Еуропа-2020 чемпионатының іріктеуінде екі матч ойнап, бір жеңіліс тауып, бір тең ойынға қол жеткізді. Кипр құрамасымен ойында тең нәтиже (1:1) көрсетсе, Ресей құрамасына (0:1) есе жіберді. Екі матчты да сырт алаңда өткізді.

ФИФА рейтингі:

1. Бельгия — 1752
2. Франция — 1725
3. Бразилия — 1719
4. Англия — 1662
5. Португалия — 1643
6. Уругвай — 1639
7. Испания — 1631
8. Хорватия — 1625
9. Колумбия — 1622
10. Аргентина — 1614

42. Ресей — 1455
52. Шотландия — 1415
92. Кипр — 1261
116. Қазақстан — 1169
210. Сан-Марино — 835.