ШұғылCOVID-19: Қазақстанда вирус жұқтырғандар саны 406 мыңнан асты

Асқар Мамин: Отанды қорғау қашанда қасиетті борыш саналған

ҚР Премьер-министрі қазақстандықтарды мерекесімен құттықтады

ҚР Премьер-министрі Асқар Мамин азаматтарды Отан қорғаушы күнімен құттықтады, деп хабарлайды Azattyq Rýhy Үкімет басшысының баспасөз қызметіне сілтеме жасап.

«Құрметті қазақстандықтар, баршаңызды Отан қорғаушы күнімен құттықтаймын! Бұл мереке – ерліктің, ар-намыстың, батылдық пен патриотизмнің символы.

Отанды қорғау біздің ата-бабаларымыз үшін қашанда қасиетті борыш саналған. Сол аға ұрпақтың даңқты дәстүрін бүгінде Тәуелсіз Қазақстанның Қарулы Күштері абыроймен жалғастырып келеді!

Біздің армиямыз елдің әскери қауіпсіздігін қамтамасыз етуден бастап, табиғи және техногендік сипаттағы төтенше жағдайлардың салдарын жоюға, сондай-ақ пандемияның таралуына қарсы бағытталған ауқымды міндеттерді тиімді шеше отырып, мемлекетіміздің егемендігі мен аумақтық тұтастығын күзетуде. 

Тәуелсіз Қазақстанның қорғаныс қабілетін нығайтып, еліміздегі тыныштық пен тұрақтылықты сақтауға Ұлттық ұланның әскери қызметшілері, құқық қорғау органдарының және арнайы мемлекеттік органдардың қызметкерлері, әскери жиындарға шақырылған әскери қызметке міндетті азаматтар мен өзінің қызметтік борышын атқарып жүрген қазақстандықтар да қомақты үлесін қосуда.

Барлық әскери қызметшілерге мықты денсаулық, бейбітшілік пен аман-саулық, Отанға алдындағы игілікті істеріне табыс тілеймін!», - деді Асқар Мамин.