Нұр-Сұлтанда жексенбі күні қоғамдық көліктер жүрмейді

Нұр-Сұлтан қаласында және қала маңына қатынайтын бағдарлардың қозғалысы жексенбі күні, яғни 2 мамырда бір күнге тоқтатылып, дезинфекциялық жұмыстар жүргізіледі, деп хабарлайды елорда әкімдігінің ресми сайты.

Сенбі және дүйсенбі күндері, яғни 1 және 3 мамырда қоғамдық көлік қалыпты режимде жұмыс істейді.

Жолаушылар бетперде тағып жүруі міндет, автобусқа бетпердесіз кіруге болмайды.

Жол ақысы қолма-қол ақшасыз: карта көмегімен немесе QR-код сканерлеу/көлік кодын енгізу арқылы төленеді.